2,977 dronë ndriçojnë qiellin e Nju Jorkut në nderim të viktimave të 11 Shtatorit
Një shfaqje spektakolare me dronë u zhvillua të mërkurën në mbrëmje, më 9 shtator, në qiellin e Nju Jorkut, në prag të 25-vjetorit të sulmeve terroriste të 11 Shtatorit.
Plot 2,977 dronë u ngritën mbi portin e Nju Jorkut, duke formuar siluetën e Kullave Binjake dhe duke përcjellë një mesazh të fuqishëm përkujtimor. Çdo dron përfaqësonte një nga 2,977 jetët e humbura në sulmet e 11 Shtatorit.
Sipas ABC7 New York, vepra artistike, e titulluar “2,977 Drita Mbi Portin e Nju Jorkut”, paraqiti me drita konturet e Kullave Binjake në përmasa që pasqyronin shkallën e tyre reale arkitekturore.
Shfaqja u realizua në bashkëpunim me pjesëtarë të komunitetit të 11 Shtatorit, mes tyre familjarë të viktimave, të mbijetuar dhe pjesëtarë të ekipeve të emergjencës. Organizatorët e prezantuan atë si një ngjarje publike falas, me fokus te kujtimi, reflektimi dhe uniteti.
Projekti u organizua nga një grup personash të lidhur drejtpërdrejt me tragjedinë e 11 Shtatorit. Mes tyre ishin:
- Brenda Berkman, ish-ndihmëse e Departamentit të Zjarrfikësve të Nju Jorkut (FDNY) dhe artiste.
- Tim Brown, pjesëtar i FDNY gjatë viteve 1993 dhe 2001.
- Terri Strada, presidente e “9/11 Families United” dhe e veja e Tom Strada.
- Jim Smith, bashkëshorti i oficeres së NYPD-së, Moira Smith, e cila humbi jetën në sulme.
- Genevieve Schiller, vajza e Steven Schiller.
Shfaqja u zhvillua pak ditë përpara ceremonive zyrtare përkujtimore të 25-vjetorit, duke kthyer qiellin e Nju Jorkut në një memorial gjigant për mijëra viktimat e tragjedisë.