Bullgaria do të lejojë fluturimin e presidentit rus drejt Budapestit
Bullgaria ka njoftuar se do të lejojë fluturimin e presidentit rus drejt Budapestit, nëse ka përpjekje për arritjen e paqes dhe nëse një takim është kusht për këtë. Ministri i Jashtëm bullgar, Georg Georgiev, është shprehur se është logjike të mundësohet zhvillimi i takimit nëse kushti për paqe është ky.
Ky qëndrim u bë i ditur nga radios shtetërore në Sofje, gjatë takimit të Këshillit të Ministrave të BE-së në Luksemburg. Një nga itineraret e mundshëm të fluturimit nga Moska për në Budapest kalon mbi Detin e Zi, duke përfshirë hapësirën ajrore të Bullgarisë dhe Serbisë. Megjithatë, hapësira ajrore e Bullgarisë, si vend anëtar i BE-së, është e mbyllur për avionët rusë që nga fillimi i luftës së Rusisë kundër Ukrainës.
Itinerare të tjera të mundshme për një takim përfshijnë kalimin në veri përmes Bjellorusisë dhe Polonisë, ose mbi Detin Baltik, Gjermaninë dhe Çekisë.
Ministrat e Jashtëm të Rusisë dhe SHBA-së përgatisin takimin e presidentëve
Ministrat e Jashtëm të Rusisë, Sergej Lavrov, dhe SHBA-së, Marco Rubio, kanë zhvilluar bisedime telefonike për të përgatitur një takim të mundshëm mes presidentëve të tyre, me fokus luftën në Ukrainë. Kjo u njoftua nga ministritë e jashtme në Moskë dhe Uashington.
Sipas një deklarate nga Moska, janë diskutuar hapa konkretë për zbatimin e marrëveshjeve të arritura gjatë bisedës telefonike të enjten e kaluar (16.10.2025) mes presidentëve Vladimir Putin dhe Donald Trump. Një zëdhënës i Rubios në Uashington ka theksuar se qëllimi specifik është arritja e një “zgjidhjeje të qëndrueshme për luftën ruso-ukrainase”, ashtu siç synon presidenti Trump.
Pas telefonatës me Putinin, Trump deklaroi se së shpejti do të takohet me kreun e Kremlinit në Budapest, kryeqytetin hungarez. Ende nuk është caktuar një datë zyrtare. Paraprakisht, është planifikuar një takim i ministrave të jashtëm për të përgatitur samitin e dytë Trump-Putin. Presidentët e dy vendeve u takuan për herë të parë në mes të gushtit në Alaska, SHBA.