India ul importet e naftës nga Rusia me kërkesë të Presidentit Trump
India ka ulur importet e naftës ruse pas një kërkese të Presidentit të Shteteve të Bashkuara, Donald Trump. Ky informacion u bë publik nga Sekretarja e Shtypit e Shtëpisë së Bardhë, Caroline Leavitt, gjatë një konference për shtyp të enjten.
“Ne jemi të informuar se India ka vepruar në këtë mënyrë, pas kërkesës së Presidentit për të ulur blerjet e naftës nga Rusia. Presidenti po u drejton thirrje gjithashtu vendeve evropiane, aleatëve tanë, që të ndalojnë blerjen e naftës ruse”, tha Leavitt.
Më herët, agjencia Reuters, duke cituar burime, kishte raportuar se rafineritë indiane ishin gati të reduktonin ndjeshëm importet e naftës ruse, në përputhje me sanksionet e reja të SHBA-së kundër dy prej prodhuesve kryesorë të vendit.