15 kg hashash të gjetura në apartament, arrestohet një 52-vjeçar shqiptar në Itali
Një 52-vjeçar me origjinë shqiptare është arrestuar nga autoritetet italiane në qytetin e Pratos, Itali, pasi në apartamentin e tij u gjetën 15 kilogramë hashash.
Sipas informacioneve, 52-vjeçari ishte nën masën e arrestit paraprak në burg gjatë natës, pasi më herët ishte dënuar për pjesëmarrje në një organizatë kriminale me qëllim trafikimin e lëndëve narkotike.
Autoritetet vendase po vazhdojnë hetimet për këtë rast deri në marrjen e një vendimi përfundimtar ndaj personit të arrestuar.