Të paktën 31 të vdekur dhe 33 të plagosur pasi autobusi bie nga shkëmbi në Etiopi
Të paktën 31 persona humbën jetën dhe 33 të tjerë u plagosën pasi një autobus ra nga një shkëmb në rajonin verior të Amharës në Etiopi të hënën në mëngjes.
Sipas Departamentit të Policisë së Qytetit Kombolcha, autobusi ishte i mbushur me pasagjerë dhe po udhëtonte nga Desi për në kryeqytetin, Addis Ababa, kur doli nga rruga.
Ekipet e ndihmës së shpejtë u vonuan në mbërritjen në vendngjarje, gjë që rezultoi në mospërfitimin e ndihmës nga disa persona të lënduar. Zonës i mungon infrastruktura bazë dhe ambulancat, duke i detyruar pasagjerët të transportohen me automjete private.
Rruga ku ndodhi aksidenti tragjik është e vështirë dhe në përgjithësi konsiderohet e rrezikshme. Shkaqet dhe rrethanat e incidentit janë duke u hetuar.