Stokholm: Autobus përplaset me stacion, raportohet për viktima dhe të plagosur
Një ngjarje tragjike ka ndodhur në Stokholm, ku një autobus është përplasur me forcë në një stacion autobusi në lagjen Östermalm. Aksidenti shkaktoi panik dhe kaos në orarin e pikut.
Sipas Këshillit të Qarkut të Stokholmit, pesë persona u plagosën, dy prej të cilëve u dërguan me urgjencë në spital. Policia konfirmoi se të paktën dy persona kanë humbur jetën, ndërsa gazeta Ekspressen raportoi se numri i viktimave mund të ketë arritur në tre.
Autoritetet njoftuan se ngjarja po hetohet si “vrasje nga pakujdesia”. Shoferi i autobusit është arrestuar dhe po vazhdojnë hetimet për shkaqet e aksidentit.
“Është një incident serioz,” deklaroi zëdhënësja e Transportit të Stokholmit, Sophie Gunnarsson. Oscar Davila, menaxher operacioni për shërbimin e shpëtimit, konfirmoi se disa nga të plagosurit janë në gjendje të rëndë.
Aksidenti ndodhi pak para orës 15:30, në një nga zonat më të frekuentuara të qytetit, duke shkaktuar ndërprerje të trafikut dhe praninë e shtuar të ekipeve të emergjencës.