Arne Slot do të vazhdojë kontratën e tij me Liverpoolin deri në vitin 2027. Sipas raportimeve të “Sky Sport”, klubi synon të respektojë projektin me trajnerin 47-vjeçar, ndërsa përparësia kryesore mbetet kualifikimi në Champions League.
Gjatë sezonit, Arne Slot u përball disa herë me rrezikun e shkarkimit. Vendi i pestë në ligë, duke marrë parasysh investimet e bëra, konsiderohet si një zhgënjim për kampionët aktualë.
Trajneri holandez u emërua në krye të ekipit në verën e vitit 2024. Deri më tani, ai ka drejtuar 108 ndeshje, duke regjistruar 65 fitore, 27 humbje dhe 16 barazime. Sezoni pa trofe ka sjellë zhgënjim te tifozët, duke e kthyer kualifikimin në Champions League në objektivin kryesor.