Bernardo Silva është gati të bashkohet me projektin e Barcelonës së Hansi Flick për sezonin e ardhshëm. Klubi katalanas do të jetë në gjendje të nënshkruajë dhe të regjistrojë lojtarë normalisht, pas pesë vitesh vështirësi financiare.
Bisedimet për transferimin e tij po zhvillohen, por ende nuk janë finalizuar. Drejtuesit sportiv dhe presidenti e dëshirojnë atë si pjesë të ekipit. Vetë futbollisti ka shprehur përparësi për ofertën katalanase, duke lënë pas ofertat nga klube si Atletiko Madrid, Benfica, klube nga Turqia, Franca, Italia dhe Arabia Saudite.
Lojtari portugez ka shumë opsione, por prioriteti i tij mbetet Barcelona. Megjithatë, për të finalizuar marrëveshjen, trajneri i Barcelonës, Hansi Flick, duhet të japë miratimin e tij.
Aktualisht, gjermani nuk duket të ndajë entuziazmin e eprorëve të tij (drejtorit sportiv dhe presidentit). Edhe pse e vlerëson Bernardon, ai mendon se ky transferim i përket të kaluarës dhe se skuadra ka tashmë një mesfushë të kompletuar me lojtarë cilësorë.
Për drejtorin sportiv, ky është një rast i favorshëm për tregun, pasi lojtari do të vinte si lojtar i lirë dhe me synimin për të ulur pagën që kishte te Manchester City. Drejtori sportiv, i cili e njeh mirë Bernardon, beson se ai nuk do të shkaktonte probleme në dhomën e zhveshjes. Ai gjithashtu mendon se Silva do të sillte udhëheqjen që Flick kërkon kaq shumë në një ekip të ri. Taktikisht, ai mund të ndihmonte në dhënien e pushimeve Pedrit në mesfushë, si dhe mund të luante në krah në rast mungesë të Lamine Yamal.