Elisa në botën e vetmisë së madhe, përfundon ulur pranë Tërmet Peçit (FOTO)
Deklaratat e Elisa Spiropalit në Partinë Socialiste duket se nuk po ndalen. Mbledhja e sotme e grupit parlamentar nuk rezervoi vetëm ultimatumin e Edi Ramës ndaj saj, por edhe një tjetër lloj poshtërimi. Për ish-kryetaren e Kuvendit dhe ish-ministren e Jashtme nuk ka më vend të rezervuar pranë “Skënderbeut” të saj dhe as në tavolinën e madhe të socialistëve.
Më shumë dhe më pak, për të ishte kujdesur që ta ulnin ngjitur me Tërmet Peçin, në rreshtat e dytë a të tretë të deputetëve të PS-së, siç shihet edhe në foton që ka siguruar Lapsi.al.
Se çfarë modeli të deformuar dhe të përcmuar përfaqëson Tërmet Peci në “kazermën” politike të Edi Ramës, këtë e dinë të gjithë dhe nuk do shumë mendje. Ulja pranë tij e Elisës nuk është kurrsesi zgjedhje e kësaj të fundit, përveçse nevojë e Edi Ramës dhe Belinda Ballukut për të demonizuar “Mamicën” (ndoshta një referim tejet i ndjeshëm ndaj një personi tjetër, duke iu referuar termit “Mamicën”).
Sot kryeministri, sipas raportimeve që u servirën në media nga qarqe pranë Ramës dhe Ballukut, paralajmëroi përjashtimin e Elisa Spiropalit nëse nuk do të bënte kthesë në qëndrimet e saj. “Herën e parë nuk erdhe në votim. Herën e dytë bërë çarçafin (i referohet postimit në fb) dhe herën e tretë nuk ka, del jashtë këtij grupi”, mësohet të ketë thënë Rama, duke mos i lënë asaj mundësi të kundërpërgjigjet.
Pranvera e vetmisë së madhe për Elisa Spiropalin vijon. Deri kur dhe si do të jetë fundi duket se e di vetëm ajo dhe “Skënderbeu” i saj.
©LAPSI.al