Tatimet fillojnë pagesat për përfitimin nga falja me kusht e detyrimeve tatimore
Administrata Tatimore njofton se, duke filluar nga data 10 qershor 2026, kanë nisur pagesat për përfitimin nga falja me kusht e detyrimeve tatimore, gjobave dhe kamatëvonesave, sipas ligjit nr. 86/2025.
Këto lehtësi ofrohen sipas periudhave të mëposhtme:
- Për periudhën 2015–2019: Përfitohet fshirje e 50% të detyrimit principal, si dhe fshirje e plotë e gjobave dhe kamatëvonesave, nëse 50% e mbetur paguhet njëherësh nga 10.06.2026 deri më 30.06.2026.
- Për periudhën 2015–2019: Përfitohet fshirje e 25% të detyrimit principal, si dhe fshirje e plotë e gjobave dhe kamatëvonesave, nëse 75% e mbetur paguhet nga 10.06.2026 deri më 31.12.2026.
- Për periudhën 2020–2024: Përfitohet fshirje e plotë e gjobave dhe kamatëvonesave, nëse paguhet 100% e detyrimit principal nga 10.06.2026 deri më 31.12.2026.
Tatimet u bëjnë thirrje bizneseve të verifikojnë situatën e tyre në e-Filing dhe të kryejnë pagesat brenda afateve për të përfituar nga lehtësitë e parashikuara në ligj.
Afatet dhe procedurat për zbatimin e ligjit të faljes
Qëllimi i ligjit:
- Reduktimi i stokut të borxhit
- Rritja e arkëtimeve vullnetare
- Pastrimi i regjistrave fiskalë
- Fshirje dhe shuarje detyrimesh
- Formalizimi fiskal
Tatimpaguesit që nuk përfitojnë:
- Subjekte me vendim të formës së prerë në favor të Administratës Tatimore (AT) ose Administratës Doganore (AD).
- Persona në proces hetimi penal përpara ose gjatë zbatimit të ligjit.
- Anulimi i përfitimit në rast hetimi gjatë zbatimit.
- Subjekte në proces gjyqësor ose proces apelimi.
- Subjekte në marrëveshje me këste.
E drejta për t’u tërhequr nga ankimimi administrativ ose e drejta ankimimit deri më 30.11.2026.
Fshirja e detyrimeve deri më 31 Dhjetor 2014
- Detyrimet deri më 31.12.2024:
- Falje totale e penaliteteve.
- Fshihet 100% e principalit, përjashtohet principali i kontributeve.
- Fshihen 100% gjobat.
- Fshihen 100% kamatëvonesat.
- Edhe kur principali është 0, falen gjobat dhe kamatëvonesat.
- Detyrimet e vendosura para datës së çregjistrimit në QKB të kontabilizuara dhe të evidentuara deri më 31.12.2024.
Detyrimet 2015-2019
- Alternativa me 50%: Paguhet 50% e detyrimit principal me një këst të vetëm deri në 30.06.2026 dhe shuhet: 50% e principalit, fshihen 100% gjobat dhe fshihen 100% kamatëvonesat.
- Alternativa 25%: Shuhet 25% e principalit, fshihen 100% gjobat dhe kamatëvonesat. Pagesa e 75% të principalit bëhet deri më 31.12.2026.
- Përjashtohet principali i kontributeve.
- Për rastet kur principali është 0, falen gjobat dhe kamatëvonesat.
Detyrimet 2020-2024
- Falen penalitetet.
- Nuk falet principali.
- Fshihen gjobat administrative.
- Fshihen kamatvonesat.
- Pagesa e 100% të principalit bëhet deri më 31.12.2026.
Fshirja ose shuarja e detyrimeve tatimore të tjera
- Detyrimet tatimore dhe dënimet administrative për tatimpaguesit e çregjistruar në QKB, ose me vendim gjykate ose në AT, deri në 31.12.2024.
- Dënimet administrative (gjoba) automatike për mosdeklarim në afat, dhe dënimet e lidhura me afatin e deklarimit të të punësuarve.
- Deklaratat e padorëzuara deri në periudhën 31.12.2024 – Gjoba për deklarim të vonuar – Dorëzim deklaratash deri më 30.06.2026.
- Gjobat për dorëzim të vonuar të vendimit të ortakut apo dorëzim të vonuar të pasqyrave financiare të llogaritura deri më 31.12.2024.
- Falje e gjobave për deklarim të vonuar, me kusht që deklaratat të dorëzohen deri më 30.06.2026.