Pas fitores 3-0 kundër Fiorentinës, trajneri i Interit, Cristian Kivu, u shfaq i kënaqur dhe i qetë.
“Kemi treguar durim dhe qartësi. Ishte e rëndësishme të fitonim kundër një skuadre që dinte të mbrohej mirë. Në pjesën e parë patëm vështirësi, por më pas loja jonë u bë më konkrete dhe u shpërblyem,” tha Kivu.
Ai vlerësoi Sučić, autorin e një goli spektakolar: “Ai ka cilësi të mëdha dhe një motor të fortë. Sot tregoi gjithë teknikën dhe karakterin e tij.”
Trajneri foli edhe për Bisseck: “Për mua ai është një qendërmbrojtës i vërtetë. Ka guxim dhe di të mbajë linjën e lartë, por duhet të mësojë kur të rrezikojë.”
Në fund, ai dërgoi një mesazh për grupin: “Jemi pjesë e një projekti të qartë. Nuk i dëgjoj zërat nga jashtë. Detyra jonë është të punojmë dhe të përmirësohemi çdo ditë.”