“`html
Interi nuk e diskuton titullin, Kivu: Kanë ikur ditët kur fitohej falë mbrojtjes
“Kanë ikur ditët kur ‘Scudetto’ fitohej falë mbrojtjes më të mirë”. Këto janë fjalët e Kristian Kivusë, i cili ka ruajtur besimin në filozofinë e tij.
Deri më sot, Interi ka mbrojtjen e pestë më të mirë në Serinë A, duke qenë pranë skuadrave si Milani, Komo, Juventusi dhe Roma për sa i përket numrave. Megjithatë, Kivu përgatitet të festojë titullin e 21-të në historinë e Interit. Në sezonin e tij të parë në krye të klubit, ai ka qëndruar besnik idesë se krijimi i rreziqeve në zonën sulmuese është më vendimtar sesa mbrojtja.
Shifrat e deritanishme të skuadrës konfirmojnë këtë qasje. Në rast fitoreje ndaj Parmës të dielën e ardhshme, Interi do të sigurojë vendin e parë. Ata kanë shënuar 80 gola në 34 ndeshje (më shumë se 2.35 për ndeshje), duke pësuar 31. Megjithëse mbrojtja zikaltër nuk është më e mira në ligë deri më tani, diferenca e përgjithshme e golave është mbresëlënëse.
Interi kryeson me një diferencë prej +49 golash. Skuadra më e afërt në këtë aspekt është Komo me +31, pra 18 gola më pak se Interi. Hendeku mes Interit dhe skuadrave si Napoli dhe Milani është i frikshëm: Interi ka një diferencë golash prej +49, ndërsa skuadrat e drejtuara nga Kontja dhe Alegri kanë përkatësisht +21 dhe +19.
Kështu, aksioma e vjetër se titulli fitohet me mbrojtje është lënë pas dore nga Interi, ndërsa filozofia e Kivut se titulli arrihet duke shënuar një gol më shumë se kundërshtari rezulton të jetë e drejtë. (PANORAMASPORT.AL)
“`