Bllokada detare amerikane dëmton Iranin, përgatitet ulja e prodhimit të naftës
Bllokada detare amerikane e porteve iraniane mund ta detyrojë Teheranin të ulë prodhimin e naftës që nga java e ardhshme, raporton Sky News.
Një rezervë në rritje e naftës së papërpunuar është aktualisht e bllokuar në anijet cisternë iraniane. Sipas firmës së analizave të naftës Vortex, vetëm një numër i vogël transportuesish u larguan nga Gjiri i Omanit midis 13 dhe 25 prillit, një shifër më shumë se 80% më e ulët krahasuar me një periudhë të ngjashme në mars.
Pavarsisht se anijet e saj praktikisht nuk janë në gjendje të lëvizin, Irani vazhdon të ngarkojë naftë të papërpunuar në qendrën e tij kryesore të eksportit në ishullin Kharg, sipas firmës së inteligjencës detare TankerTrackers. Imazhet satelitore tregojnë të paktën 10 anije cisternë të ankoruara pranë portit Chah Bahar të Iranit në Gjirin e Omanit.
Megjithatë, hapësira për ruajtjen e naftës po mbushet shpejt. Irani ka kapacitet për të ruajtur 86 milionë fuçi, ndërsa stoku i tij aktualisht është mbi 50 milionë fuçi. Një analist nga Kpler sugjeron se Teherani mund të duhet të ulë prodhimin e naftës brenda një ose dy javësh.