Kenan Jildiz: Zgjodha Turqinë para Gjermanisë, aty kam rrënjët
Kenan Jildiz është një figurë e veçantë, që me performancën e tij, sidomos në pjesën e parë të sezonit, ka fituar admirimin e të gjithë stafit bardhezi. Natyrisht, ka disa aspekte që meritojnë theksim, duke filluar nga emocionet e veshjes së një numri ikonik si 10, deri te stili që gjithmonë e ka karakterizuar klubin.
Është diskutuar gjerësisht edhe për Kupën e Botës, për të cilën po përgatitet të luajë me kombëtaren e Turqisë, nën drejtimin e Vincenzo Montelës. Sot, Jildiz mban fanellën me numrin 10 të Juventusit dhe ishte një nga lojtarët kryesorë në rikthimin e Turqisë në Botëror. Me naivitetin e një 20-vjeçari, i cili ka bërë një karrierë të shpejtë te Juventusi, ai shprehet se kjo ishte një ëndërr, por jo diçka e domosdoshme.
“Si fëmijë, ëndërroja vetëm të bëhesha një futbollist i famshëm dhe të luaja futboll në nivelin më të lartë. Por realiteti që jetoj sot është edhe më i bukur se ëndrrat e mia të fëmijërisë,” ka thënë ai.
Duke folur për të kaluarën, ai shprehu krenari për Turqinë, të cilën e përfaqëson në Botëror. I lindur në Gjermani, ai zgjodhi kombëtaren turke dhe sot përfaqëson të tashmen dhe të ardhmen e Juventusit në Itali.
“Gjermania është vendi ku kam lindur dhe rritur, ku kam mësuar disiplinën, rendin dhe etikën e punës. Turqinë, nga ana tjetër, e mbaj në zemër, është vendi i babait tim, kombëtarja që kam zgjedhur dhe toka që gjithmonë më bën të ndihem i vlerësuar dhe më jep ndjenjën e përkatësisë. Italia, dhe Torino në veçanti, është vendi ku jam pjekur sot si person dhe si futbollist. Sot ndihem si në shtëpinë time në të tre vendet. Sepse familja ime është gjithmonë afër meje,” ka shtuar Jildiz.