Alarm për kërcënim në konsullatën e Ukrainës në Dyseldorf, policia kontrollon ndërtesën
Policia gjermane ka zhvilluar një operacion të gjerë në dhe përreth Konsullatës së Përgjithshme të Ukrainës në Dyseldorf, pas marrjes së informacionit për një kërcënim të mundshëm.
Operacioni nisi rreth orës 17:30, sipas orës lokale, dhe zona përreth ndërtesës u rrethua nga forcat e policisë. Një pjesë e një rruge në qendër të Dyseldorfit u bllokua, ndërsa në vendngjarje u pranishmen disa automjete policie.
Forcat e rendit kontrolluan ndërtesën e konsullatës dhe zonën përreth saj, me qëllim verifikimin e informacionit të marrë. Megjithatë, pas inspektimeve, policia nuk arriti të konfirmonte ekzistencën e kërcënimit të raportuar.
Operacioni përfundoi rreth orës 19:15, pas afro dy orësh. Një zëdhënëse e policisë deklaroi se nuk kishte të dhëna të tjera për publikim.
Deri më tani, nuk raportohet për të lënduar apo për ndonjë incident të konfirmuar në konsullatë.