Humbja kundër kundërshtarit të renditur në vendin e 98-të në FIFA i ka kushtuar shtrenjtë Kombëtares Shqiptare, e cila ka pësuar një rënie të re në klasifikim.
Kombëtarja shqiptare e futbollit ka pësuar dy humbje radhazi gjatë ndeshjeve miqësore të qershorit, nën drejtimin e trajnerit Rolando Maran. Këto humbje kanë pasur pasoja të rënda, jo vetëm për shkak të mungesës së progresit të pritur me trajnerin italian, por edhe për shkak të rënies së vazhdueshme në renditjen e FIFA-s.
Humbja kundër Luksemburgut, skuadrës së vendit të 98-të në FIFA, i ka kushtuar Shqipërisë -6,45 pikë. Brenda këtij konteksti, duke shtuar edhe humbjen ndaj Izraelit, totali i pikëve të humbura gjatë këtyre dy ndeshjeve arrin në 12,03.
Si pasojë, Shqipëria ka rënë me një pozicion pas secilës nga këto ndeshje. Tani, kombëtarja shqiptare renditet në vendin e 66-të në klasifikimin e FIFA-s, dy vende më poshtë krahasuar me muajin e kaluar. Ky klasifikim do të zyrtarizohet më 10 qershor, përpara fillimit të Botërorit.
Pas Bosnjës, kombëtarja shqiptare është kaluar tashmë edhe nga Hondurasi. Ndërkohë, ekipet e Kepit të Gjelbër, Emirateve të Bashkuara Arabe dhe Maqedonisë së Veriut, janë afruar ndjeshëm në renditje.