Lamine Yamal pranon zhgënjimin e madh: Mendoja se e kisha fituar “Topin e Artë”, mësim i madh për mua
Lamine Yamal ka pranuar në një intervistë të fundit dhënë në platformën “YouTube” se ishte ndjerë shumë i zhgënjyer gjatë ceremonisë së ndarjes së çmimeve “Topi i Artë”. Futbollisti spanjoll pohoi se në atë ceremoni kishte menduar se ai do ta fitonte trofeun, por gjithashtu shtoi se Kylian Mbappé e kishte merituar më shumë.
“Të jem i sinqertë, atë ditë mendova se mund ta fitoja ‘Topin e Artë’. Por mendoj se ishte e drejtë që Mbappé e fitoi. Nuk ishte ende koha ime. Jam ende i ri dhe ndoshta nuk do ta kisha vlerësuar aq shumë atë moment,” tha Yamal.
Ai më pas shpjegoi se kishte një marrëdhënie shumë miqësore me francezin. “Shpesh flas me të dhe isha shumë i lumtur për suksesin e tij. Ajo përvojë më ndihmoi të piqem. Dola më i fortë dhe shumë gjëra në jetën time kanë ndryshuar. Sot jam kthyer përsëri në këmbë dhe do të shohim nëse ky vit do të jetë i duhuri.”
I pyetur për emrat që sipas tij janë të nënvlerësuar, ai theksoi se Fabián Ruiz dhe Gavi meritojnë më shumë vëmendje.
Kur iu sugjerua edhe Cole Palmer, Yamal nuk ishte dakord. “Ai nuk mund të konsiderohet i nënvlerësuar. Ai mban fanellën me numër 10 për Chelsea dhe u rendit i nënti në renditjen e fundit të ‘Topit të Artë’. Si mund të thuash se është i nënvlerësuar?”, deklaroi Yamal.