Pheniani hedh poshtë akuzat e SHBA për kërcënim kibernetik: Janë vetëm trillime
Ministria e Punëve të Jashtme e Koresë së Veriut ka hedhur poshtë akuzat e Shteteve të Bashkuara të Amerikës se Pheniani përfaqëson një kërcënim kibernetik. Ai i ka cilësuar këto akuza si një trillim që synon të justifikojë politikën armiqësore të Uashingtonit.
Një zëdhënës i Ministrisë së Jashtme të Koresë së Veriut tha se Shtetet e Bashkuara po përhapin informacione të rreme në lidhje me një “kërcënim kibernetik joekzistent nga Koreja e Veriut” për arsye politike, duke e përshkruar atë si një shpifje absurde që synon të dëmtojë imazhin e Koresë së Veriut, raporton Reuters.
Zëdhënësi paralajmëroi se Pheniani do të ndërmarrë në mënyrë aktive të gjitha masat e nevojshme për të mbrojtur interesat shtetërore dhe të drejtat dhe interesat e qytetarëve të saj në hapësirën kibernetike.