Hapen më 27 Gusht aplikimet për kredi shtëpie me 0% interes për 300 punonjës
300 punonjës të administratës publike do të kenë mundësinë të përfitojnë kredi me 0% interes për blerjen e një apartamenti.
Ministria e Ekonomisë dhe Inovacionit ka njoftuar hapjen e thirrjes për aplikim për këto kredi. Periudha e aplikimeve fillon më 27 Gusht 2026 dhe përfundon më 25 Shtator 2026.
Financimi do të bazohet në çmimin e referencës dhe sipërfaqen, sipas certifikatës familjare.
Aplikimet do të përfshijnë punonjës nga 5 institucione, me kuota që variojnë nga 20 deri në 70 aplikime për secilin:
- Ministria e Shëndetësisë dhe Mirëqenies Sociale – 70 kuota
- Ministria e Mbrojtjes – 70 kuota
- Ministria e Arsimit – 70 kuota
- Ministria e Punëve të Brendshme – 70 kuota
- Policia e Burgjeve / Ministria e Drejtësisë – 20 kuota
Aplikimet do të kryhen nëpërmjet platformës e-Albania.
Kriteret kryesore përfituese përfshijnë:
- Të jeni i punësuar në administratën publike, sipas përcaktimeve të ligjit “Për strehimin social”.
- Të mos keni banesë në pronësi ose në proces legalizimi, ose të keni një banesë nën normat e strehimit.
- Të mos zotëroni pasuri të paluajtshme apo të luajtshme me vlerë mbi gjysmën e vlerës së banesës që do të blihet me kredi të lehtësuar.
- Të mos jeni përfitues nga programe të tjera të strehimit social.