Letonia ka njoftuar se do të forcojë ushtrinë ukrainase me automjete shtesë të blinduara zbuluese, duke theksuar mbështetjen e saj për Ukrainën përballë agresionit rus.
Ministria e Mbrojtjes në Riga ka bërë të qartë se vendi i saj qëndron fuqishëm krah Ukrainës në luftën kundër agresionit rus. “Ne mbështesim luftën e Ukrainës kundër agresionit rus dhe do të vazhdojmë ta bëjmë këtë për aq kohë sa të jetë e nevojshme,” tha Ministri i Mbrojtjes i Letonisë, Andris Spruds.
Ai gjithashtu shtoi se dorëzimi i këtyre automjeteve ushtarake nuk do të komprometojë aftësinë operacionale të forcave të armatosura letoneze.