Presidenti francez Emmanuel Macron i ka bërë thirrje kryeministrit izraelit Benjamin Netanyahu të tregojë përgjegjësi dhe racionalitet në lidhje me Libanin.
Sipas Macron, sulmet kundër Hezbollahut në jug të Libanit, megjithëse Hezbollahu paraqet një rrezik për Izraelin, në planin afatgjatë janë në kundërshtim me interesat e shtetit hebraik. Ai theksoi se siguria e Izraelit nuk mund të garantohet duke pushtuar territoret fqinje.
Presidenti francez shtoi se politika e Netanyahut në Liban, si dhe në Gaza dhe Bregun Perëndimor, “ushqen pakënaqësi dhe dhunë midis popullatave të rajonit”.
Macron njoftoi gjithashtu se do të përpiqet të mobilizojë përsëri bashkësinë ndërkombëtare për të “ndihmuar ushtrinë libaneze të rimarrë kontrollin e territorit të saj”.