Papa Françesku i bën thirrje për t’i dhënë fund konflikteve: Të ndalojmë dhunën dhe të promovojmë paqen
Papa Françesku ka bërë thirrje për t’i dhënë fund luftërave dhe për të punuar për paqen në botë. “Kisha ka misionin të flasë qartë dhe të hedhë poshtë gjithçka që degradon jetën dhe pengon zhvillimin e saj, të marrë një qëndrim për të varfrit, të shfrytëzuarit dhe viktimat e dhunës së luftës. Kisha është e thirrur të pranojë me përulësi brishtësinë dhe përkohshmërinë e institucioneve të saj, të cilat, duke i shërbyer Mbretërisë së Perëndisë, mbartin imazhin kalimtar të kësaj bote,” ka nënvizuar ai.
Kjo thirrje e Papës vjen në një kohë konfliktesh dhe luftërash, të cilat kanë shkaktuar viktima të shumta.