Parashikimi i motit për ditën e premte
Për ditën e premte, vendi ynë pritet të ndikohet nga kushte atmosferike të paqëndrueshme. Motit do të jetë kryesisht me vranësira mesatare deri të dendura.
Reshjet e shiut parashikohen të jenë prezente që nga orët e para të mëngjesit, me intensitet të ulët deri mesatar në pjesën më të madhe të vendit. Në zonën jugore, reshjet e shiut do të jenë me intensitet mesatar deri të lartë, hera-herës shoqëruar me shtrëngata.
Gjatë ditës, reshjet e shiut do të jenë të herëpashershme, me intensitet të ulët deri mesatar në shumicën e rajoneve. Në verilindje dhe jugperëndim, reshjet e shiut mund të kenë intensitet deri të lartë.
Në majat më të larta të maleve në verilindje-lindje dhe në Alpe, priten reshje bore me intensitet të ulët, e lokalisht mesatar.
Era do të fryjë nga kuadranti jugor me shpejtësi mesatare 7 m/s. Përgjatë vijës bregdetare dhe zonave luginore, era mund të arrijë shpejtësi deri në 20 m/s.
Deti: Valëzimi në Detin Adriatik dhe Jon do të jetë i forcës 4-6 ballë.