Një lloj peshkaqeni, i cili më parë nuk konsiderohej i rrezikshëm për njerëzit, vrau dhe përpiu një 40-vjeçar.
Një turist 40-vjeçar po notonte dhe filmonte me kamerë GoPro rreth 100 metra larg bregut të Haderës, në brigjet e Izraelit, gjatë muajit prill. Papritur, ai u rrethua nga një tufë peshkaqenësh të zinj, një specie që zakonisht nuk konsiderohej e rrezikshme për njerëzit.
Dëshmitarët treguan se njëri nga peshkaqenët dukej se sulmoi fillimisht kamerën GoPro të turistit. Ata dëgjuan burrin të thërriste “Ndihmë… më kafshojnë!”, para se të zhdukej nga pamja. Në atë moment, uji u skuq dhe pendët e peshkaqenëve u panë në sipërfaqe.
Kur anijet e shpëtimit mbërritën në vendngjarje, burri kishte humbur, sipas gazetës The Independent. Të nesërmen, gjatë kërkimeve në det, u gjetën mbetje njerëzore, të cilat konfirmuan identitetin e viktimës dhe treguan se ai ishte shqyer nga disa peshkaqenë.