Shtëpia e Bardhë: Bisedimet SHBA-Iran vazhdojnë pavarësisht incidentit me dron
Bisedimet e planifikuara mes Shteteve të Bashkuara dhe Iranit për këtë javë do të zhvillohen sipas planit, pavarësisht incidentit me një dron iranian të rrëzuar. Këtë e bëri të ditur Sekretarja e Shtypit e Shtëpisë së Bardhë, Caroline Leavitt, në një intervistë për Fox News.
“I dërguari special Steve Witkoff do të takohet me delegacionin iranian këtë javë. Aktualisht, takimi mbetet sipas planit,” tha Leavitt.
Ajo gjithashtu theksoi se Presidenti amerikan Donald Trump ka në dispozicion një sërë opsionesh kundrejt Iranit, duke përfshirë edhe mundësinë e përdorimit të forcës ushtarake.
Më herët, portali Axios raportoi se një takim mes të dërguarit special të Presidentit amerikan për misionet paqeruajtëse, Stephen Whitkoff, dhe Ministrit të Jashtëm iranian, Abbas Araqchi, ishte parashikuar të mbahej në Stamboll më 6 shkurt.