SHBA sulmon tre anije në Paqësorin Lindor; vriten tetë persona
Forcat e Shteteve të Bashkuara kanë sulmuar tre anije në ujërat ndërkombëtare të Paqësorit Lindor, të cilat dyshohet se përdoreshin nga trafikantët e drogës. Sipas të dhënave të inteligjencës, anijet po lundronin në rrugë të njohura të trafikimit të lëndëve narkotike dhe ishin të përfshira në veprimtari të paligjshme.
Gjatë operacionit, humbën jetën tetë persona, të cilët cilësohen si pjesëtarë të rrjeteve të trafikimit. Konkretisht, tre persona u vranë në anijen e parë, dy në të dytën dhe tre në të tretën.
Komanda Jugore e Shteteve të Bashkuara njoftoi për këtë operacion përmes një postimi në platformën X, duke theksuar se ky veprim synon goditjen e rrjeteve të trafikimit të drogës në rajon.