Stuhia tropikale Melissa ka shkaktuar tre viktima në Haiti.
Autoritetet paralajmërojnë se stuhia pritet të forcohet në një uragan gjatë fundjavës, sipas Qendrës Kombëtare të Uraganeve (NHC) të SHBA-së.
Agjencia e Mbrojtjes Civile e Haitit ka bërë të ditur në faqen e saj të internetit: “Dy persona kanë vdekur dhe një është plagosur, duke e çuar në tre numrin e vdekjeve të lidhura me motin në 48 orët e fundit”. Një burrë humbi jetën të mërkurën pasi ra mbi të një pemë.
Reshjet e dendura të shiut kanë shkaktuar rritjen e nivelit të ujit në lumin Saint-Martin. Kjo situatë çoi në shkatërrimin e një ure në pjesën verilindore të vendit dhe të shtëpive në veri-perëndim, në Port-des-Peys, sipas Mbrojtjes Civile.
Mbrëmë, sipas paralajmërimit më të fundit të emergjencës të lëshuar nga NHC në orën 03:00 (ora e Greqisë), stuhia tropikale Melissa ndodhej 360 kilometra në jugperëndim të Port-au-Prince, kryeqyteti i Haitit, dhe 310 kilometra në juglindje të Kingston, kryeqyteti i Xhamajkës.
Stuhia tropikale mund të shndërrohet në uragan në 48 orët e ardhshme, duke prekur Xhamajkën dhe Haitin jugperëndimor.
Edhe pse intensiteti i fenomenit – stuhia e 13-të tropikale e sezonit – “ka ndryshuar pak në orët e fundit”, ekziston mundësia për “përmbytje katastrofike dhe rrëshqitje masive toke në vende të ndryshme të pjesës jugore të ishullit Hispaniola dhe në Xhamajka gjatë fundjavës”, sipas qendrës.