Shtëpia e Bardhë ka konfirmuar se një takim midis presidentëve të SHBA-së dhe Sirisë do të mbahet më 10 nëntor.
Presidenti i SHBA-së, Donald Trump, do të takohet me homologun e tij sirian, Ahmed Al-Sharaa, në Shtëpinë e Bardhë më 10 nëntor. Këtë e bëri të ditur Sekretarja e Shtypit e Shtëpisë së Bardhë, Caroline Levitt, gjatë një konference për shtyp.
“Mund të konfirmoj se ky takim do të zhvillohet këtu në Shtëpinë e Bardhë të hënën. Kjo është pjesë e përpjekjeve diplomatike të presidentit Trump, të cilët janë të gatshëm të takohen me të gjithë udhëheqësit botërorë për të arritur paqen”, theksoi ajo.
Levitt rikujtoi se gjatë vizitës së Trump në Lindjen e Mesme, ai mori vendimin për heqjen e sanksioneve kundër Sirisë, me qëllim t’i jepet vendit një mundësi reale për paqe.
“Mendoj se po shohim përparim të mirë në këtë drejtim nën udhëheqjen e tyre të re. Ai do të jetë në Shtëpinë e Bardhë të hënën dhe vetë presidenti do të flasë për këtë çështje atë ditë”, shtoi ajo.
Vizita e pritshme e udhëheqësit sirian në Uashington më 1 nëntor u njoftua për herë të parë nga i dërguari special i SHBA-së për Sirinë, Tom Barrack, gjatë Dialogut të Manamës në Bahrein.
Sipas tij, Siria synon t’i bashkohet koalicionit të udhëhequr nga SHBA-të kundër ISIS-it.