Rikthimi i tensioneve me Iranin, Komanda Qendrore e SHBA: Mbi 50,000 trupa amerikane të vendosura në Lindjen e Mesme
Numri i trupave amerikane të vendosura aktualisht në Lindjen e Mesme tejkalon 50,000, sipas Komandës Qendrore të Shteteve të Bashkuara (CENTCOM).
Ky përditësim i numrit të personelit ushtarak të SHBA-ve vjen në një kohë të rikthimit të tensioneve në Lindjen e Mesme dhe në marrëdhëniet me Iranin.
“Më shumë se 50,000 anëtarë të shërbimit amerikan janë aktualisht të vendosur në të gjithë Lindjen e Mesme”, njoftoi CENTCOM përmes një postimi në platformën X.