Irani: Të paktën 50 të vdekur dhe 500 të plagosur në sulmet amerikane
Të paktën 12 persona kanë humbur jetën në 24 orët e fundit në Iran si pasojë e sulmeve ajrore amerikane. Ky numër çon në 50 totalin e viktimave që nga fillimi i fazës së fundit të përshkallëzimit të konfliktit, sipas të dhënave të Ministrisë iraniane të Shëndetësisë.
Informacioni është raportuar nga CNN, e cila citon zëdhënësin e ministrisë, Hossein Kermanpour. Ai deklaroi se të paktën 500 persona janë plagosur nga bombardimet amerikane që prej datës 27 qershor, kur armëpushimi i brishtë në rajon nisi të shembej dhe armiqësitë u intensifikuan sërish.
Kermanpour gjithashtu bëri të ditur se mes viktimave të regjistruara gjatë muajit të fundit përfshihen pesë gra dhe dy fëmijë.
Ky bilanc i ri vjen në një kohë kur përplasjet mes Shteteve të Bashkuara dhe Iranit vijojnë të përshkallëzohen. Sulmet dhe kundërsulmet në rajon po shtojnë frikën për një zgjerim të mëtejshëm të konfliktit.