Festë Madhështore në “Bernabeu” për “Këpucën e Artë”, Presidenti i Realit: Jam Krenar që Mbape Është në Skuadrën Time
Stadiumi Santiago Bernabeu u vesh me shumë stil këtë të premte për të pritur prezantimin e Këpucës së Artë 2025, një çmim që njeh Kylian Mbape si golashënuesin më të mirë evropian të sezonit, sipas European Sports Media (ESM).
Sulmuesi i Real Madridit shënoi 31 gola në ligë, duke i fituar atij 62 pikë në sistemin e koeficientëve, duke lënë pas Viktor Gyökeres (39 gola, 58.5 pikë) dhe Mohamed Salah (29 gola, 58 pikë).
Më shumë se 200 persona mbushën tribunën VIP, përfshirë të gjithë skuadrën e Real Madridit dhe trajnerin e tyre, Carlo Ancelotti, si dhe anëtarë të familjes së futbollistit francez, i cili përjetoi një nga momentet më të veçanta që nga bashkimi me klubin.
Ceremonia filloi me fjalimin e Florentino Pérez, i cili e përgëzoi lojtarin e tij dhe theksoi rëndësinë e çmimit.
“I dashur Kylian, kjo këpucë është një dëshmi e përkushtimit tënd ndaj futbollit. Jam krenar që kam një lojtar si ty, i cili mishëron në mënyrë të përsosur vlerat e klubit tonë,” – tha Pérez.
Para se të përfundonte fjalimin e tij, Florentino donte të thoshte disa fjalë edhe për të ardhmen e tij te Real Madridi.
“Kjo Këpucë e Artë është një nxitje për ty që të vazhdosh të fitosh dhe të përmirësosh më tej historinë e Real Madridit. Jam shumë krenar që kam një lojtar si ty.”
Më pas, Juan Ignacio Gallardo mori fjalën për të theksuar vlerën simbolike dhe sportive të çmimit, duke i thurur lavde Mbappesë.
“E keni merituar plotësisht falë 31 golave që shënuat në sezonin tuaj të parë me Real Madridin,” – vuri në dukje ai.