VIDEO/ Avioni privat i miliarderit turk del nga pista gjatë uljes dhe përfshihet nga flakët
Një avion privat i miliarderit turk ka dalë nga pista gjatë uljes në Libi dhe është përfshirë nga flakët. Ngjarja ka ndodhur në aeroportin e Misratës.
Aeroplani, një model Cessna 680A Citation Latitude, thuhet se i përket miliarderit dhe biznesmenit turk Hamdi Akin. Sipas Ministrisë së Transportit të vendit, nuk ka pasur raportime për viktima ose të lënduar.
“AirportHaber” njoftoi se avioni privat po shkonte drejt Libisë për të marrë pasagjerë. Në bord ndodheshin piloti dhe një anëtar i ekuipazhit, të cilët u shpëtuan pa lëndime.
Forcat e zjarrfikësve nxituan për të vendosur nën kontroll flakët.
Detaje të tjera mbi incidentin:
- Avioni: Cessna 680A Citation Latitude
- Regjistrimi: TC-AKF
- Fluturimi: BKI60
- Rruga: Stamboll Atatürk (LTBA) → Misrata (HLMS)
- Ulja: Rreth orës 08:06 UTC
- Personat në bord: 3 anëtarë të ekuipazhit, pa pasagjerë të raportuar.
Shkaku i aksidentit nuk është ende i qartë. Autoritetet pritet të hetojnë rrethanat që çuan në daljen nga pista dhe zjarrin pasues.