Aksident i rëndë në rrugën Levan-Tepelenë, plagosen 2 pasagjerë
Një aksident automobilistik ka ndodhur pak minuta më parë në aksin rrugor Levan-Tepelenë, në zonën e Poçemit. Dy automjete janë përplasur mes tyre, duke rezultuar në plagosjen e dy pasagjerëve.
Të plagosurit janë transportuar menjëherë drejt spitalit rajonal të Fierit, ku janë jashtë rrezikut për jetën.
Personat që ndodheshin pranë vendngjarjes, si dhe ata që shoqëronin të plagosurit, kanë dhënë ndihmën e parë. Pas mbërritjes së forcave të policisë, të plagosurit janë dërguar në spital.
Automjetet e përfshira në aksident kanë pësuar dëme të konsiderueshme si pasojë e përplasjes së fortë. Si shkaqe paraprake të aksidentit dyshohet të jenë moti i keq dhe lagështira në rrugë.
Në vendngjarje kanë mbërritur menjëherë forcat e policisë dhe grupi hetimor, të cilët po punojnë për të përcaktuar shkaqet dhe dinamikën e plotë të aksidentit.