Ish-kreu i SHISH në Berat dhe djali i tij dënohen për lojëra fati, armë dhe sekrete shtetërore.
Ish-kreu i Shërbimit Informativ të Shtetit (SHISH) në Berat, Aleksandër Shulla, dhe djali i tij, Pandeli Shulla, janë shpallur fajtorë dhe janë dënuar nga Gjykata e Shkallës së Parë të Juridiksionit të Përgjithshëm Berat, pas kërkesës së Prokurorisë, për disa vepra të rënda penale.
Ish-drejtori i SHISH-it u dënua për organizim të paligjshëm të lojërave të fatit, ndërsa djali i tij u dënua për mbajtje pa leje të armëve dhe për nxjerrje të sekretit shtetëror.
Hetimet zbuluan veprimtari të kundërligjshme të zhvilluara në një lokal në qytetin e Beratit, si dhe materiale të klasifikuara si “sekret” të ruajtura në mënyrë të paautorizuar. Këto zbulime çuan në vendime për dënime me burgim të pezulluar dhe masa plotësuese ndëshkuese.