Netanyahu kërcënon me sulme të mëtejshme kundër Iranit dhe Hezbollahut: “Pilotët tanë janë mbi qiejt e tyre!”
Kryeministri izraelit Benjamin Netanyahu deklaroi të martën se ushtria e tij planifikon të kundërpërgjigjet me forcë edhe më të madhe kundër sulmeve të Iranit dhe Libanit, gjatë një vizite në një bazë ajrore izraelite.
“Pilotët tanë janë mbi qiejt e Iranit dhe Teheranit, si dhe mbi qiejt e Libanit. Hezbollahu bëri një gabim shumë të madh kur na sulmoi,” tha ai.
Ai shtoi se qeveria libaneze dhe populli libanez duhet ta kuptojnë se Hezbollahu, i mbështetur nga Irani, po i “tërheq ata drejt një lufte që nuk është e tyre, vetëm për shkak të vdekjes së atij vrasësi masiv me të cilin ata nuk kanë lidhje fare”.
Një zyrtar i lartë i Hezbollahut ka thënë se pas më shumë se një viti respektimi të armëpushimit, ndërsa Izraeli nisi sulme pothuajse të përditshme në Liban, durimi i grupit ka mbaruar.