Skandal i madh financiar në Ukrainë: Sekuestrohet rrjet përvetësimi fondesh; 15.3 milionë euro të shpenzuara për mallra luksi në vend të dronëve.
Një skandal i konsiderueshëm financiar ka shpërthyer në Ukrainë, ku autoritetet kanë çmontuar një rrjet përvetësimi fondesh në vlerë prej rreth 800 milionë hryvnia (ekuivalente me 15.3 milionë euro). Këto fonde ishin të destinuara për blerjen dhe prodhimin e dronëve për nevojat e luftës.
Sipas hetimeve të kryera nga Gosfinmonitoring, fondet u devijuan përmes një rrjeti kompanishë “fasadë” dhe përfunduan duke u shpenzuar për blerjen e mallrave luksoze, si veshje, këpucë dhe parfume, në vend që të drejtoheshin për qëllime ushtarake.
Autoritetet kanë ndërmarrë veprime të menjëhershme, duke ngrirë llogaritë bankare të personave të përfshirë në këtë skemë mashtrimi.
Rast i veçantë: Ushtar arrestohet për vjedhje dronësh.
Në një ngjarje të veçantë, një ushtar ukrainas është arrestuar pasi vodhi dronë me vlerë 5.5 milionë hryvnia (rreth 96 mijë euro), të cilët ishin të destinuar për frontin e luftës. Mediat lokale raportojnë se, gjatë periudhës nga qershori 2023 deri në shtator 2025, ai ka shfrytëzuar qasjen e tij në pajisjet e njësisë ushtarake për të përvetësuar dronët dhe më pas i ka shitur ato në dyqane pengjesh.
Këto zhvillime kanë ngritur shqetësime serioze lidhur me menaxhimin e fondeve dhe pajisjeve ushtarake në Ukrainë, në një kohë kur vendi vazhdon të përballet me sfida të mëdha për shkak të luftës.