Një aksident i rëndë ka ndodhur në zonën e Kombinatit, pranë komisariatit numër 6 në Tiranë, duke rezultuar në humbjen e jetës së një personi.
Sipas informacioneve paraprake, në aksident janë përfshirë një kamion dhe një motor. Drejtuesi i motomjetit ka humbur jetën në vend, si pasojë e plagëve të rënda të marra.
Viktima dhe drejtuesi i kamionit nuk janë identifikuar ende. Grupi hetimor ndodhet në vendngjarje dhe po punon për sqarimin e plotë të rrethanave të aksidentit.