Berisha: Rama riktheu kafazin në sallën e gjyqit si në kohën e Enver Hoxhës
Gjatë fjalës së tij para anëtarëve dhe simpatizantëve të PD në degën numër 5 në Tiranë, Sali Berisha ka sulmuar kryeministrin Edi Rama lidhur me arrestimin e Ilir Metës. Sipas Berishës, Rama e urren Metën, por më shumë i urren qytetarët.
Duke akuzuar Ramën, Berisha u shpreh se kreu i qeverisë ka rikthyer kafazin në sallën e gjyqit, duke e krahasuar këtë me gjyqet e kohës së Enver Hoxhës.
“E riktheu Edi Rama kafazin në sallën e gjyqit, ndërkohë që vrasës serialë po në atë burg festojnë çdo natë me pije, kokainë dhe orgji të tjera. Po pse kafazi? Sigurisht, ai e urren Ilir Metën, por ai urren qytetarët në radhë të parë. Ai do që qytetarët të tremben sa më shumë. Kurse ju nuk trembeni. Ju nuk jeni trembur”, tha Berisha.