Pasardhësi i Igli Tares te Milani: Mes kandidatëve, gjermano-turku i shkarkuar nga Fenerbahçe, pavarësisht suksesit me Xabi Alonson
Milani po kërkon një drejtor të ri sportiv pas largimit të të gjithë stafit administrativ. Megjithëse klubi duket se nuk po ngutet për të plotësuar pozicionet vakante, si ai të lënë nga Igli Tare, mediat raportojnë gjerësisht për disa alternativa që janë studiuar ose po propozohen.
Emri më i fundit që ka dalë në skenë është ai i Devin Ozek, një 31-vjeçar gjerman me origjinë turke. Ozek ka punuar në stafin e Bayer Leverkusen gjatë drejtimit të Xabi Alonson dhe së bashku me Simon Rolfes, ka qenë përgjegjës për ndërtimin e ekipit që pati sukses në Bundesligë.
Në vitin e fundit, ai u transferua te Fenerbahçe, por në fund të sezonit u shkarkua nga klubi turk. Për pasojë, Ozek është në kërkim të një pozicioni të ri, ndërsa Milani e konsideron atë si një alternativë për vendin e lënë bosh nga Tare.