Të shtëna me armë në një shkollë në Tajlandë: 6 të vdekur, përfshirë autorin e sulmit
Të paktën gjashtë persona kanë humbur jetën pas një ngjarjeje me armë zjarri në një shkollë në periferi të Bangkokut, kryeqyteti i Tajlandës. Këto të dhëna bëhen të ditura nga raportimet, të cilat citojnë burime policore. Mes viktimave dyshohet të jetë edhe autori i sulmit.
Sipas informacioneve paraprake, autori i dyshuar është një nxënës 14-vjeçar, nxënës i klasës së nëntë, i cili është gjetur i vdekur në vendngjarje.
Pas marrjes së alarmit, ekipet e emergjencës janë dërguar menjëherë në shkollë. Autoritetet u kanë bërë thirrje qytetarëve të shmangin zonën përreth Shkollës Debsirin në Nonthaburi, ndërsa policia vijon hetimet për të zbardhur rrethanat dhe motivet e këtij sulmi.
Shkolla Debsirin është një institucion arsimor me degë në disa zona të Tajlandës dhe njihet për reputacionin e saj të lartë në sistemin arsimor të vendit.