Arrestohen dy shtetas kinezë, tentuan të trafikojnë 100 kg kanabis drejt Shqipërisë
Dy shtetas kinezë janë arrestuar nga Policia Kufitare në Rinas, pasi u kapën duke tentuar të futnin 100 kilogramë kanabis në Shqipëri. Lënda narkotike ishte e ndarë në dy valixhe.
Droga ishte nisur nga Tajlanda, kishte kaluar tranzit në Emiratet e Bashkuara Arabe dhe më pas ishte drejtuar për në Shqipëri. Pas një sinjalizimi nga autoritetet e huaja, pala shqiptare është njoftuar dhe ka mundur të arrestojë menjëherë dy shtetasit kinezë në Rinas.
Rasti është referuar për hetime të mëtejshme pranë Drejtorisë së Antidrogës në Tiranë. Kanabisi i sekuestruar rezulton të ketë pasur përqindje të lartë THC dhe vlerësim të konsiderueshëm në tregun e paligjshëm.