Dy persona janë arrestuar në lidhje me një tentativë sulmi me zjarrvënie në një sinagogë në veri të Londrës.
Policia Metropolitane bëri të ditur të mërkurën se incidenti po trajtohet si një krim urrejtjeje antisemite.
Një grua 47-vjeçare dhe një burrë 46-vjeçar u arrestuan me dyshimin për zjarrvënie të qëllimshme që rrezikoi jetën.
Sipas deklaratës, dy të dyshuarit u panë duke vendosur dy shishe qelqi pranë dritareve të sinagogës dhe duke hedhur një tullë drejt ndërtesës të mërkurën në mëngjes. Një nga shishet, që besohet se përmbante benzinë, u thye nga tulla.
Megjithatë, asnjëra nga shishet nuk u ndez dhe të dyshuarit u larguan nga vendi i ngjarjes. Nuk u shkaktuan dëme në ndërtesë dhe nuk u raportuan të lënduar.