Hetimet ndaj Belinda Ballukut: Biznesmeni Alban Eftimi paraqitet për të dëshmuar në SPAK
Alban Eftimi, biznesmen i kompanisë “Atelier 4”, është paraqitur këtë të enjte në ambientet e Prokurorisë së Posaçme (SPAK) për të dëshmuar. Dëshmia e tij lidhet me hetimin e nisur për ish-zv.kryeministren Belinda Balluku.
Paraqitja e Eftimit në SPAK vjen pas kontrolleve të kryera në fund të muajit korrik në ambientet e kompanisë “Atelier 4”. Në qendër të këtyre verifikimeve ndodhet një vilë në Dhërmi, e cila është sekuestruar më herët nga autoritetet.
Dyshimet e ngritura nga hetuesit lidhen me mundësinë që prona të jetë pasuri e padeklaruar dhe të ketë lidhje me Belinda Ballukun. Hetimi ndaj ish-zëvendëskryeministres përfshin dyshime për korrupsion dhe pastrim parash.
Belinda Balluku është gjithashtu e pandehur në një çështje tjetër penale, ku akuzohet për shkelje të barazisë së pjesëmarrësve në tendera.