Falja e Detyrimeve: Automatike Fshihen 30 Milionë Euro Gjoba për Vitin 2015-2024
Rreth 30 milionë euro gjoba të vendosura nga inspektorët tatimorë për periudhën 2015–2024 janë fshirë automatikisht, në zbatim të ligjit për faljen e detyrimeve. Administrata Tatimore ka njoftuar se janë shuar automatikisht detyrime në vlerën 29.9 milionë euro, duke përfshirë 16,877 tatimpagues.
Gjobat e konsideruara i përkasin periudhës 2015-2024. Administrata Tatimore ka theksuar se procesi vijon të zbatohet në përputhje me dispozitat ligjore, duke synuar formalizimin dhe lehtësimin e barrës financiare për tatimpaguesit.
Më herët, Administrata Tatimore kishte njoftuar për fshirjen ose shuarjen e detyrimeve në vlerën e 332 milionë euro për 122 mijë tatimpagues.
Gjithashtu, janë lidhur 19 marrëveshje të Paqes Fiskale për periudhën tatimore 2026. Administrata Tatimore inkurajon çdo tatimpagues që formalizon biznesin e tij vullnetarisht nëpërmjet Paqes Fiskale.
Sipas Administrata Tatimore, procesi i faljes hap një kapitull të ri me tatimpaguesit, duke kontribuar në përmirësimin e klimës së biznesit në prag të integrimit europian. Procesi vazhdon për të gjithë përfituesit sipas ligjit.
Kushtet e Faljes së Detyrimeve Tatimore (Ligji Nr. 86/2025):
- Periudha 2015–2019: Përfitim i fshirjes së 50% të detyrimit principal, si dhe fshirje e plotë e gjobave dhe kamatëvonesave, nëse 50% e mbetur paguhet njëherësh nga 10.06.2026 deri më 30.06.2026.
- Periudha 2015–2019: Përfitim i fshirjes së 25% të detyrimit principal, si dhe fshirje e plotë e gjobave dhe kamatëvonesave, nëse 75% e mbetur paguhet nga 10.06.2026 deri më 31.12.2026.
- Periudha 2020–2024: Përfitim i fshirjes së plotë të gjobave dhe kamatëvonesave, nëse paguhet 100% e detyrimit principal nga 10.06.2026 deri më 31.12.2026.
Faza e pagesave për përfitimin nga falja me kusht e detyrimeve tatimore, gjobave dhe kamatëvonesave u zbatua nga data 10 qershor deri më 30 qershor 2026.