“`html
Investimi i Kushner/ Rama: Nga vizita në Shqipëri në bordin e një jahti, te shprehja e interesit në Davos
Publikuar më 29.07.2026 nga shekulli_admin
TIRANË – Kryeministri Edi Rama ka zbuluar për herë të parë detaje rreth njohjes me Jared Kushner dhe Ivanka Trump, si dhe rreth lindjes së interesit të tyre për të investuar në Shqipëri, duke përfshirë projektet në Zvërnec dhe Sazan.
Gjatë një interviste për rrjetin britanik televiziv Channel 4, Rama rrëfeu se njohja me çiftin ndodhi në vitin 2020, gjatë një ndalese të një jahti në Shqipëri. Ai shtoi se disa muaj më vonë, në Davos, Jared Kushner i shprehu interesin për mundësitë e investimit në vend, ndërsa reagimi i tij ishte pozitiv.
“Unë isha i ftuar t’i bashkohesha disa njerëzve, në një jaht, që ndaloi në Shqipëri për t’u furnizuar me karburant dhe për të vazhduar drejt Malit të Zi. Isha i ftuar dhe shkova. U njoha me Jared dhe Ivanka,” tregoi kryeministri.
Ai shtoi më tej se, në atë kohë, nuk ishte i sigurt nëse ata kishin dëgjuar më parë për Shqipërinë, por ishte i bindur që nuk kishin një interes të drejtpërdrejtë për Shqipërinë, por ishin të interesuar për historinë dhe vendin ku ndodheshin.
“E dyta, disa muaj më vonë, në Davos, Kushner shprehu interes për mundësitë për të investuar në Shqipëri. Dhe sigurisht që i thashë po. Si do t’i thoja jo? Është gjëja më normale për mua,” u shpreh Rama.
“`