Kryediplomati iranian zhvillon bisedë telefonike me Kryeministren japoneze: Teherani i gatshëm për negociata nëse SHBA ndryshon qasjen
Ministri i Jashtëm i Iranit i ka bërë të ditur Japonisë se vendi i tij është i gatshëm të negociojë “nëse Uashingtoni ndryshon sjelljen e tij”.
Abbas Araghchi zhvilloi sot një bisedë telefonike me Kryeministren japoneze Sanae Takaichi. Ai ripërsëriti qëndrimin e Teherani se pasiguria rajonale buron nga SHBA-të, duke iu referuar asaj që ai e cilëson “pirateria detare amerikane”, një allusion ndaj bllokadës së tyre në Ngushticën e Hormuzit.
Sipas mediave shtetërore iraniane, Araghchi shtoi se “Irani është gati të vazhdojë në rrugën e diplomacisë nëse Uashingtoni ndryshon qasjen e tij.”
Presidenti i Iranit, Masoud Pezeshkian, foli gjithashtu sot me udhëheqësen japoneze. Sipas lajmeve shtetërore, ai ripërsëriti qëndrimin se pasiguria në rajon ishte për shkak të Izraelit dhe SHBA-së.
Megjithatë, bisedimet kanë ngecur për shkak se SHBA-të nuk janë të gatshme të heqin bllokadën dhe Irani nuk është i gatshëm të lejojë rihapjen e Ngushticës së Hormuzit.