Irani përfiton nga armëpushimi me SHBA-të për të përgatitur armatime të fshehura nën tokë për sulme të reja
Raportohet se Irani po shfrytëzon armëpushimin me Shtetet e Bashkuara të Amerikës për të nxjerrë dhe përgatitur për përdorim raketat dhe municionet e tij. Teherani ka intensifikuar përpjekjet për të nxjerrë armët që kishte fshehur nën tokë ose që ishin varrosur nën rrënoja pas sulmeve amerikane dhe izraelite, sipas një zyrtari amerikan dhe dy burimeve të tjera të raportuara nga NBC News.
Më herët gjatë muajit, Sekretari Amerikan i Mbrojtjes, Pete Hegseth, deklaroi se Uashingtoni kishte indikacione se Irani po përpiqej të rindërtonte kapacitetet e tij ushtarake.
“Ne e dimë se çfarë asetesh ushtarake po zhvendosni dhe ku po i zhvendosni ato”, tha ai. “Ndërsa ju po gërmoni – që është pikërisht ajo që po bëni, duke gërmuar nga objektet e bombarduara dhe të shkatërruara – ne vetëm sa po bëhemi më të fortë. Po gërmoni lançuesit dhe raketat që ju kanë mbetur pa pasur mundësi t’i zëvendësoni ato”, u shpreh ai.