12 Gushti Shënoi Rekordin e Konsumit të Energjisë në Vend
Ditët e nxehta të këtij sezoni veror po shoqërohen me një konsum rekord të energjisë elektrike. Këtë e bëri të ditur, sipas një njoftimi në rrjetet sociale, Ministrja e Infrastrukturës dhe Energjisë, Enea Karakaçi.
Ajo shtoi se, ndërkohë, ekipet e Operatorit të Sistemit të Transmetimit dhe Operatorit të Sistemit të Shpërndarjes po përballen njëkohësisht me situata të vështira të krijuara nga zjarret pranë nënstacioneve dhe linjave të transmetimit.
Më 12 gusht 2026 u regjistrua rekordi i ri i konsumit ditor, me rreth 27,809 MWh, ose 5% më shumë se rekordi i mëparshëm i 13 gushtit 2025.
Gjithashtu, mesatarja ditore e konsumit për periudhën 1–12 gusht 2026 ka arritur në 25,787 MWh, rreth 22% më shumë se mesatarja e gushtit 2025.
Muajt korrik dhe gusht 2026 kanë shënuar nivelet më të larta të konsumit, përkatësisht me 26,488 MWh dhe 27,809 MWh.
“Përballë kësaj kërkese rekord dhe kushteve të vështira në terren, ekipet e energjisë vijojnë punën pa ndërprerje për të garantuar sigurinë dhe vijimësinë e furnizimit”, u shpreh ministrja.