Rio Ferdinand i bën thirrje Manchester United të transferojë Robert Lewandowski
Legjenda e Manchester United, Rio Ferdinand, i ka bërë thirrje ish-klubit të tij që të transferojë sulmuesin e Barcelonës, Robert Lewandowski, si lojtar të lirë gjatë verës. Ferdinand beson se veterani i cili ka shënuar shumë gola, do të ishte mentori i përkryer për Benjamin Sesko, ndërsa “Djajtë e Kuq” synojnë të forcojnë opsionet e tyre në sulm, sidomos tashmë që Michael Carrick është konfirmuar përfundimisht në krye dhe po përgatitet për rikthimin në Ligën e Kampionëve.
Ferdinand ka këshilluar Manchester United të ndjekë një marrëveshje sa më të shpejtë për Lewandowski, i cili pritet të largohet nga Barcelona pas një periudhe 4-vjeçare shumë produktive.
Duke folur në kanalin e tij në YouTube, ish-mbrojtësi shpjegoi pse 37-vjeçari do të ishte një përforcim ideal për skuadrën e Carrick, përpara rikthimit të tyre në Ligën e Kampionëve.
“Lewandowski nuk është aspak një ide e keqe, nëse ata do të marrin edhe një sulmues tjetër. Nëse e sjellim atë, shikoni përvojën që ka, aq shumë do të mësojë Sesko”, u shpreh Ferdinand.
Deri tani, “Djajtë” kanë investuar një shumë të konsiderueshme, 74 milionë sterlina, për Seskon pas ardhjes së tij nga Leipzig.