Rriten shpërblimet për sportistët elitarë: Ministri Blendi Gonxhja prezanton skemën e re të mbështetjes financiare.
Ministri për Turizmin, Kulturën dhe Sportin, Blendi Gonxhja, ka njoftuar vendimin e qeverisë për rritjen e shpërblimeve për sportistët elitarë dhe trajnerët e tyre. Ky vendim, i cili do të hyjë në fuqi nga muaji prill 2026, synon të krijojë një skemë më të drejtë të shpërblimeve, veçanërisht për sportet me disiplina të shumta.
Masat e reja përfshijnë:
- Rritjen me 75% të shpërblimit për sportet jo-olimpike.
- Rritjen me 25% të shpërblimit për trajnerët e sportistëve elitarë.
- Rritjen me 43% të trajtimit ushqimor ditor për sportistët elitarë, nga 3500 lekë në 5000 lekë në ditë.
Përveç këtyre, ministri Gonxhja theksoi se ka rritje deri në 65% për stile të veçanta dhe deri në 100% për rezultatet përfundimtare në gara apo sporte me stile të veçanta. Në total, shpërblimi mund të arrijë deri në 230% në rast rezultatesh më të larta sipas skemës.
Gjithashtu, ka pasur rritje deri në 200% (trefishim) për disa kategori rezultatesh në kampionate evropiane, ndërsa rritja mesatare për të gjitha rezultatet e tjera është 50% deri në 100%. Për kategoritë e lojërave olimpike dhe kampionateve botërore, rritja është 100% (dyfishim), me mbështetje shtesë për gara mesdhetare dhe ballkanike.